مضايف عشائر بني سعيد ( الغنايم ) عشائر بلاد الشام العربية


    حياة السوريين قبل الديجيتال

    شاطر
    avatar
    مازن العبود

    عدد المساهمات : 111
    تاريخ التسجيل : 30/07/2010
    العمر : 28

    حياة السوريين قبل الديجيتال

    مُساهمة  مازن العبود في الأربعاء أبريل 06, 2011 1:26 pm

    حياتنا قبل (الدش) …
    -أرضنا الخضراء:ناس عم تفلح و تزرع و شو ذنبنا نشوفون؟ما بعرف! و بيصورولك الزراعة كأنها شي صناعة ذرية !!!ولهلأ بتذكر اسم مقدم البرنامج:بشار مصري زاده-قدس الله سرو
    .
    .


    -الأيدي الماهرة: و من اعداد و تقديم الشب نفسو(العمى واسطتو شو قوية),كمان وين في واحد عم ينكش بوابير,واحد عم يركب حداوي,واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهة!و أحلى شي بيسألو بالآخر:"وين اليد الماهرة بالموضوع"هادا عأساس متل سؤال أزلي!
    .
    .


    مع العمال:و وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بإدلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو الارض باللادقية....
    .
    .

    نحن الطلبة:كلو رقص و دبك و أنشطة اجتماعية و محاضرات و سيارين و شك نصبات شجر....بس شو لاعن نفس الطالب,و وين عم يتشرد الطالب ايام الدراسة و ما بعد التخرج؟؟؟هي شغلات ثانوية..وعلى مهرجانات خطابية!!انا بفضل يتسمى البرنامج (مع الدبيكة)!
    .
    .

    أطفال هواة: يااااي ماما فاتنة ليش سنانك سود؟؟!!دخان ولا حشيش؟؟!!و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!!وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف!!هاوي صنع شطرنج ولا اللعب فيه!!؟؟
    .
    .

    الطلائع: برنامجي المفضل!بس موت و أعرف مين كان يشوفو من الاولاد!!!
    "الرفيق الطليعي خلف الجاسم الرائد عمستوى القطر بالفيزياء"خزية العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!"... اسم الرب عليه!!بدو طابة زرقا مو خرزة!!

      الوقت/التاريخ الآن هو الخميس نوفمبر 23, 2017 11:08 am